, 22.10.18
ARAYİGİT-TAU NEWS
    KARA ÇAY NOR MAL КЪАРА ЧАЙ    
Site menu
İZLE (SEARCH)
Site's Own Search:

Loading
BİLDİRİULE
...
Our poll
Rate my site
Total of answers: 3
Statistics

Total online: 1
Guests: 1
Users: 0
Login form
Main » 2010 » December » 10 » Alanya (Malkar-Qaraçay)
3:48 PM
Alanya (Malkar-Qaraçay)
"Assıtaw"




Duniyaga patçah - Unuh fayğambar
Onoww, küçü, bolumu da bar...
Alay bolsa da - buzuldu duniya
Zalimlik qısıb, oñsuznu qıynab.

Adeb-namıs coq, caşawdan dam coq.
Tonaw, öltürüw, sözde iynam coq.
Har oñlu bolgan kesi bir allah,
Izına bara har töñeregen çarh.

Allah çamlandı: cerni cuwayım,
Cerde cañıdan caşaw qurayım.
Bir kün zin keldi patçahha allahdan:
"Quthar başıñı kellik palahdan".

"Suw ahırzaman bolluqdu", - dedi,
"Cer üsü suwdan tolluqdu", - dedi.
Fayğambar aña onowwn etdi -
Uzaymaganlay keme işletdi.

Adam insannı, har türlü cannı
Urluq bolurça kemege saldı,
Mürzewge, hansha, terekge deri,
Kerekli zatnı cıydı ol beri.

Ahır zamannı künü başlandı,
Allahnı suwu cerge boşlandı.
Alqın qurgaqdı keme turgan cer,
Uzaymay bu suw alağa ceter...

İş nedi deseñ - Unuhnu caşı
Minerge unamay bulcutad başın.
Atası - min deb - calınsa aña,
Sanayd ol anı samarqaw çamga.

Suw tola-tola tobuqga cetdi,
Min deb atası dıgalas etdi.
Beline deri taşaydı suwğa,
Min deb, fayğambar qaldı bupguwga.

Sora taşaydı boynuna deri,
Atam quthar deb, qıçırdı beri.
Cabrail mölek Unuhha keldi -
Mindirme anı, batma qoy dedi.

Qanı buzuqdu, cüregi qara
Kimge kerekdi ma bıllay bala...
Suw költürgendi kemeni cerden
Tebre, fayğambar, tebre endi, tebre!..

Kök algınçadı, cer suwdan toldu,
Anda körünñen bir teple bodsu.
Miñi taw delle, anı atın bile,
Adamla barı, kemedegile...

Miñi taw aytdı - kemeni tanıb,
Allahnı unuta, kesi mahdanıb:
- Mende tohtarıq bolur bu keme,
Ne üçün deseñ, çıñ miyikme men!

Allah buürsa demegeni üçün,
Kesin miyikge tergegeni üçün,
Etgeni üçün onownu cassı
Miñi taw boldu allahha assı.

Çamlandı aña duniya iesi,
- Assımsa, - dedi carathan kesi.
Ol fayğambarğa - çaç - deb buürdu,
Keme Miñini többesin cırdı.

Ol künden beri bir başı eki,
Ol künden beri bu hapar kerti,
Ol künden beri Assı taw delle,
Tögereginde caşagan elle.

Suw tawusuldu caşawnu köme,
Mekkya tawlada tohtadı keme.
Entda cañıdan başlandı caşaw -
Har zat ornunda - teñiz, tüz, taş, taw.

Ol künden başlab Assı taw delle
Tögereginde caşagan elle.
Uzaqdagı da aythandı alay,
Ol zatha tözüb qoyarem qalay...

Men Miñi tawnu cañıdan işleb,
Miyik da, ariw da, sıylı da etdim!
Esgi Assı tawnu cañı haparı
Sawlay duniyanı barına cetdi.

Tanımay turub, körgença bolub,
Cañı haparğa sagaydı halqım.
Kertisin ayta qaldırdım anı
Assı taw degen carawsuz atın.
Views: 419 | Added by: Alan | Rating: 0.0/0
Total comments: 0
Only registered users can add comments.
[ Registration | Login ]
Balkaria Karachay
NAZMULA








KİTAPLA






Arama
Takvim
«  December 2010  »
SuMoTuWeThFrSa
   1234
567891011
12131415161718
19202122232425
262728293031
Arşiv
Linkler
  • Create a free website
  • AfyonKaraçay - Malkar - Alan
  • Karaçay til bla adabiyatdan
  • krc.wikipedia

    karachay

    zaman

    Gaspıralı - çeviri
    taulit

    http://www.elbrusoid.org Карачаево-балкарский фонд Эльбрусоид(R)

    AS - ALAN

    Karachay

    Site kodu
    ALANLA - TAU NEWS
    Copyright ArayigitTauCorp © 2018
    Powered by uCoz