http://www.elbrusoid.org/phorum/index.php?action=vthread&forum=22&topic=13761

Багъатырланы Абухасан 1951-чи джыл 16-чы февралда Къыргъызстанда туугъанды. Ол, тенглеринден эсе бойлуракъ, кючлюрек болуб ёсюб башлайды. Кюнден кюннге кюч ала ёсе барады. Артда уа деменгили къыш туугьаныча, деменгили адам болады. 1969-чу джыл орта школну бошагьандан сора, окъургъа кириб, 1974-чю джыл Орджоникидзе шахарда ГСХИ-ни джетишимли бошайды. 1974-75-чи джыллада аскер къуллугъун тындырады. Андан къайтханлай, ол джыл огьуна Къарачай шахарда конденсатор заводда инженер-конструктор болуб, ишге джарашыб, 15 джыл ишлейди. Абухасан 1990-чы джылдан башлаб, армспортну юретиучю устазы ишни бардырады. 1998-чи джылдан, 2009 –джылгъа дери Къарачай шахарда физкультура бла спорт комитетни тамадасы болуб ишлегенди. Абухасан юретиучю -устаз болуб ишлеген джылларында миллетибизге кёб игиликле этгенди. Ол юретген джашла бла къызла къарачайны атын Европагъа, бютеу дуниягъа игилик бла айтдыргъандыла. Ала кёбдюле. Мисалгъа тёртюсюн айтмайыкъ: Сарыланы Руслан 2 кере 100 кг дери ауурлукъда дунияны чемпиону, бир кере да дунияны абсолютный чемпиону атны алгъанды. Алай бла 3 кере дунины чемпиону болгъанды. Чагилланы Темурлан 2 кере дуняны чемпиону, бир кере Европаны 2-чи призёру атха ие болады. Къазийланы Люаза Европаны чемпиону атны, дунияны чемпионатында 3-чю орунну алгъанды.

Абухасанны спортда кесини джетишимлери да аман тюлдюле. 9-чу класс да окъугьан заманында, 80 кг штанганы бир къолу бла рывок этгенди. Атны джерден ёрге айыргъанды.

СССР-ни заманында, 1986 джыл миллет спортан (32 кг гирни атыу, ташны атыу, къол ташны атыу) бютеусоюз чемпионатда абсолютный чемпион болгъанды. Абухасан Къобанны джагъасында бир мазаллы къобан ташны 50 метрге элтиб салгъанды. Аны Абухасан айтханча, тутуб, алкъын киши кёлтюралмайды.