Alan Choma
Sivrihisar tauları töğerekteki tauladan türlüdü. Karaga cuuk tik kayaları bardı. Bir kaç cıl alga esime kelgenedi, Mekka'nı töğeregindeki taula da Sivrihisar taulaga uşaş. Anga karap Sivrihisarla Mekka karnaşmıla dep de esime kelgenedi.
Cuuklada anı sağınganımda cuvuklarımdan Koçharladan biri, bir hapar ayttı. Sabiyliğinde Sivrihisar kayalanı, töğeregin aylangan haparın ayttı. Cangı kelinleri Baydimatla Koçharladan cuukları İlyaslaga barıp bir kaç kün alayda kalmış. İlyasnı üydeğisi sabiylege bek ariu aytaymış. Başka sabiyleni de alıp kayalanı töğerekni aylandırgan etmiş. Hur hur dep çeşmege de eltmiş.
Kaydam İlyasnı üydeğisinden de eşitgen boluredi. Koçgarulu alay ayttı, "Men sabiylikte allay tauruhnı aytılganın eşitgenem. Bısağatta da esimdedi. Mekka'da Kâba (Kâbe) etile tebregeninde düniyadagı taşla (taula) Kyaba'ga cürüp tebremişle. Kyaba'nı işlengeni tamamlandı dep hapar kelgeninde, colda bara turgan taşla (taula) örge kobup kalmışla. Alayla Sivrihasar tauları bolmuş."
Bu tauruhtu. Tauruh bolsa da nek Sivrisar tauları üçün bıllay tauruh aytkandıla, kuragandıla. Az da köb da bolsa Sivrihisarnı (taularını) Mekka bla Kyaba bla bir baylamlığı bolurga kerekti dep tüşüneme.
Bu haparnı aytkanımda Koçharladan bir başkası da alay ayttı: Sivrihisar taulada bir cerde bir taş barmış. Ol taşnı bir betinde, Cum'a (Bayrım kün) künlede cılagança suu keleymiş. Kesi de barıp körmüş.
Kur'an-ı Kerim'de de bolur kıyamatnı üsünden aytılgan ayetlede, taulanı taşlanı cürütülükleri cazıladı. Alayase taulanı taşlanı cürügenleri algandan da bolgan bolur. Anı da aytkanımda cuukladan biri alay ayttı, taula taşla bugün de cürüydüle, cer kozgalıp turadı dep.
Kyabe'nin işlengeni taşla karadı. Ya sonradan kara bolgandıla ya da etilgen sağatta da taşla karayedile. Sivrihasar taunu taşlarıbla Kyabeni taşları birbirlerine uşay mıdı anga kararga kerekti, analiz eterge kerekti. Alayese Sivrihisar taulaga uşağan dünyada başka taula da bar bolur. Colda bara turup ala da örge kobup kalgan bolurla.
| 
ÇAY
MAL
ЧАЙ
