Къойчукъланы да ышыра-ышыра Муху башына да ёрледим деди. Муху башында да бёлек сууукъ атлы кёргенем, Аладан а къоркъуб а мен ыстауатха энгенем. Къош тамадабыз а Амырхан улу Юсейин Джаным Юсейин а, мен бюгюн сени кюсейим. О джаш Джандар а, бюгюн бара-барыб не кёрдюнг? Замансыз заманда, къойланы сюрюб а ыстауатха нек эндинг? Джаным Юсейин а, Муху башында бёлек сууукъ атлы кёргенме, Аладан да къоркъуб а, мен ыстауатха энгенме. Арабин Аллах а, алар тосму эке, джауму эке, Алар юслерине Юсейин кёк гебелекле кийгенле, Да бир да ишексиз а, ала тахсабызны билгенле. О бизге тийген, Джандар деди, ма бизни кибик онгмасын, Не аман къоркъаса хомух а, о джашны кёлю къоргъашын. Ол аллыбызда да ма чынар терек арамды, Тюбюбюзде уа джер къачмайын а, ит гяуурладан бюгюн ким къачса, Аны анасындан да ма ичген сютю харамды. Джауурунга уа къайыкъден7* сойуб къашха къой, Хар заманда да сен къызбай-батыр деучененг, Бюгюн джетген кюнде уа, манга эр юлюшню башха къой! Келчи ай, тёзсенг? Джандар, мен Къарачайгъа барайым О Къарачайдан а мен аскер алыб къайтайым7**. Да сен келгинчин Юсейин о бизге болур боллукъду, Ыстауатыбыз а тамлы итледен толлукъду. Ол сёзледен а Юсейин бир да пайда джокъ, Аллыбызда да ма болур къайын аралыкъ, Къайын аралыкъдан а къайын да быкъыла алайыкъ, Быкъыла бла уа джашчыкъланы да къайа ранлагъа салайыкъ. О джылама джылама джангыз къарнашчыгъым Илякку, Сен джыласанг а мени кёлюм такъыр болады, Ыстауатыбыз а тамлы да итледен толады. Огъай, огъай Джандар мен Къарачайгъа кетеме!. Да бюгюн кетсенг да сен тамбла огъуна къайтырсан, Джашчыкъланы да аналары ой анда хапар сорсала, Да уйалмайына бир не айтыб хапар айтырсан. Огъай, огъай Джандар мен Къарачайгъа къачама! Къачма, къачма Амырхан улу да къызбай Юсейин, деди. Къача эсенг а, бу ёзден бети джойа къач, Сабийликден да тюйюлюб а этген халал малыбыз, Къолунг бла да ит тамлылагъа къойа къач, Ит тамлыладан да джетер юлюшюнгю сойа къач. Къачханлыкъга Джандар ёзден бетими джоялмам, Сен айтхан кибик а джетер юлюшюмю да алай соялмам. Къойан ызлайды да ма Юсейинни эгери Ай сен болмай а къатынгынг манга болгъа эди бюгюн нёгерим, деди. Бирда къуруса7*** да ма болумну кёрюред Къолу бла да ашымы ысхатымы* бериред. Ёле эсек а Юсейин бирден ёлейик а, Да ёлмей эсек да, Аллах айтханны кёрейик. Огъай, огъай Джандар мен Къарачайгъа къачама. Да къача эсенг а, къара да къамангы манга къойа къач, деди. Кече къарангы кюн къысхада да, ма Къарачайгъа джол узакъ. Джан татлыды да, къарамуссакъайны7**** санга къойалмам, деди. Аны ючюн а, Джандар бир джукъ келмесин да кёлюнге. Башлыкъчыгъымы да бир къаты тартдым белиме. Да Аллах да джангызды, мен джангызлыкъны сынайым а, Бычакъчыгъымы да бир тыбыр ташха* билейим. Бычакъчыгъымы да мен тыбыр ташха ышыдым а, Кесим да джангыз а эшик артына къысылдым. Ой итлерибиз а бир ачы къангсыб юрдюле, Ит гяурлада келиб ыстаутха кирдиле. Джетер а джетмез, Джандар къойчу итлеринги урдула, Бир бир чабышыб а, ма ала къошха кирдиле. Эшик артында уа мен кесим джангыз тураем а, Кирген киргенни киндигинден бычакъчыгъым бла ураем. Ахырына дери да мен эшик артын сакъладым, Джетеуленни да мулджар агъачха къапладым. Ой, Джандар джигит, сора къошунга отну салдыла, Аны тёгерегин да адам ычхынмазлай алдыла. Ой, болмагъанда уа, Джандар а джигит бир чартлаб чыкъды арагъа, Былайда Абугалий джырлагъаны тауушджазмада 50 секундну магъанасы ангылашынмайды, анда-бунда сёзле болмасала: От джарыгъынгда уа ….Габагъа Къанынг чачылды да… забагъа Чепкенгинги да ма чыгы сайын окъ тийди Эгешчигинг а … башлыкъга Ай, антла джетсин бир сабийликге джашлыкъга, Сакъламадыкъ да ма айрыланы джолланы, Ой, билалмадыкъ да ичибизде джауланы, Тауусалмадыкъ да ол эки арада тауланы. Къарачайдан а чыкъганелле юч да абирек, О бири болур да ма Хазлеулени Алибек, О экинчилери да Къырымшаухалланы Танабаш, |